OTOČAC – Dičji vrtlić Ciciban iz Otošca preko leta dela drugovačije nego inače. Ma i za razumit je, i njimi je leto, i tete bi zerkicu na godišnji odmor, ta i une su od krvi i mesa, i une bi se pljackale na moru, ma kako ne bi, bi. Kadika se otisne, drugima je red delat na smenu, eli. Joipet, da su sve na broju, a čajdu delat ako dice nema? Vako lipo deladu na rede: edne deladu, druge ne, pa ne prve ne deladu, a druge da, sve po pravdi, redu i poštenju. Dakako.
Zasad je posal u vomu vrtliću preplovljen, nema dice, matere i ćaćae zele dicu pa morda šli na kakov odmor, ili bogzna kudaj su šli. Neka, i treba.
A tekar u kolovozu, to će se još prepolovit, pol od pol, eli. Dvi grupe za ta jasla i dvi grupe za ne malko veće. Bilo kako bilo, vrtlić će delat, eto, mora delat jerbo uvik ima dice s kon ne znaš čaš pa i turneš u vrtlić. Ljudi deladu, za razumi i je.
M. Kranjčević