O nama   
Kontakt   
Oglašavanje   
Impresum   
Uvjeti korištenja   
Pošaljite nam vijest!
GlasLike.hr
Lika nekretnine
povratak

Kako na blaženoj burzi, a kako na maloj burzi?

1/4
Kako na blaženoj burzi, a kako na maloj burzi?
Kako na blaženoj burzi, a kako na maloj burzi?Kako na blaženoj burzi, a kako na maloj burzi?Kako na blaženoj burzi, a kako na maloj burzi?Kako na blaženoj burzi, a kako na maloj burzi?
Objavljeno: 09-12-2015

Ma na placi nigda ne znaš na čemu si. A kakoš i znat? Pa to je najstarija burza na svitu, pok je svita i vika, ma ča su ve burze u Londovnu, Tokiju, u Nevjorku, ma niš. Ve srede cena gori, druge doli, pa ti znaj oš li proć kaj bos kroz trnje il kaj obuven kroz vodu. Tako je i na burzami, borami je. Moreš ćapit novce da se i ne nadaš, a izgubit još lakše. Samo ča ode ne igradu dijonice, van prasice i zelenje.

Burza je na blaženoj placi danaske pala. Bilo je malo prasac, ma i ča će i bit, ki je mislil kupit, taj je već kupil i priklal, el. A cena, ona je bila 14-15 kun po kili žive vage. Ni maći praščići su bili zericu skuplji, po dvajst kun, pa tako nekako i moradu.

U otočku blaženu burzu ni lako zać, ma kakov. Kad ki s avton dojde, mora proć kroz nekvu lagunu, to ti dojde kaj nekakov bazenčić. To siću toga da se ne bi kakova bolešćina na placu unesla, tako velidu. Prošli sred je puno nji na vo ronjgalo, ali nema trt-mrt, ima tamo edna teta nako štanja, preko nje neš lako, mora se il neš na placu. Ma i za ne ki gredu pišice, i uni moradu svoje opanke zamočit u nekvo maće koritašce u kome je pužva, da ne bi, nedaj ti Bože, donesli kakovu bolešćinu. Eto, to ti je Evropa, aha. Ima i ni ki to falidu, edna gospa reče da je to baš dobro, da joj sadaj čižme nejdu tuknut po balegi, da i ni imala kad jutroske oprat, pa dobro došlo. To njoj dojde kaj kefa za cipele glancat po otelima, aha.

A na maloj placi, il ženskoj, slabo. Baba Milja iz Ravni kotarov je vajk na placi, još ka domaća ženska i to ti je sve. Neš ti place. Cene: oriji po 60 kun, siri po 50, med 50, coklje od 50 do 120 (to zavisi koliko se čija noga bacila, eli).

Tako su danaske prošle i prolazidu otočke burze, ovaj place.

I.B.

Podijeli novost na društvenim mrežama!