Kako je zaladilo i pal prvi snig ve jeseni, danas je na blaženoj placi bilo prasac kaj nigda, veliki, mali, srdnji, beli, šari, crni, ma svakakovi. Cene nisu bile visočke, ma kakov, tako... oko 12 kun žive vage. A prasce dotiralo Bog zna odakljen, ocvakudaj, došlo 25 kamijonov, najviš iz Šlavonije i Turopolja (pa ne veli se za nekoga brez veze da će ić prasce ranit u Turopolje, el). A naroda, naroda kaj na sjamu, ali puno i šeće i merka. Nomu ki prodaje jeftino, nomu ki kupuje skupo, i sad ti prodaj prase. Malin prašćićiman je cena danske đikla, poslupili, od 18 do 20 kun po kili.
Malo smo pošuberkali s nimi ki su prasce dotirali na sajam, velidu da će dojduće srede nagrnjat još više prasac. ni se žurit, a morda i cena zerkicu pane.
A ispred lese u placu velika natiskali se mali avti, ma ne moreš proć. i kase tomu još dodadu tri kamijona ki prodajedu žito i kukuruz, bi čovik rekal da je sve na svomu mestu, otočki sajam kaj ča je negda bil. Cena vajk ista za kukuruz, šenicu i zob, od 80 do 100 kun po vrići.
I.B.
PRINT
