OTOČAC – Kuća u koj je Rvacki radio Otočac je dobila novi krljak, tako veli naša baba Franca. Sad je baš kaj Crljenkapica, lice rumeno (el, rozasto), a kapica crljena. Ma niš lipše. I neka je, dost je bilo noga sivoga i šupljega salonita, česa li, a sad došla „papar cigla“ (ne će baba Franca nek rvackin pa rvackin divanit, dost je njoj „biber crepa“).
A još kad ta kućica (ni u cveću, el, al Bože moj) dobije starinjske laštere na puneštre, ne ke se otvaradu prema van, pa jopet kase bacidu na luminijska vanjska vrata i metnedu prava drvena ka škripljedu i ispod ki puše, e to se pita. Tomu ime „energetska obnova“, dakako.
M.K.